Pizzabollur

Í þessari uppskrift notum við uppskrift af pizzadeigi og aðferðina við bollurnar má sjá hér

Uppskrift af pizzadeigi

Hráefni

• 1 dl mjólk

• 1 dl heitt vatn

• 3 tsk þurrger

• 1 tsk sykur

• ½ tsk salt

• 1 egg

• 3 msk matarolía

• 6 til 6 ½ dl hveiti + hveiti til að hnoða upp í

Aðferð

1. Kveikið á ofninum á 180°C

2. Blandið saman heitu vatni og mjólk í skál.

3. Mælið gerið og stráið því í skálina.

4. Setjið sykur, salt, egg og matarolíu út í skálina.

5. Mælið hveitið og blandið því saman við.

6. Látið deigið lyfta sér á volgum stað ef tími er til, gott er að það lyfti sér um helming.

7. Takið til efnið í fyllinguna.

8. Takið til ofnplötu og pappír.

9. Takið deigið úr skálinni, hnoðið það lítillega

10. Hnoðið þangað til deigið verður sprungulaust og festist ekki við borð eða hendur.

11. Takið lítinn hluta af deiginu og fletið út, setjið sósu og álegg

12. Lokið deiginu svo úr verði bolla og látið samskeytin snúa niður

13. Pennslið hverja bollu með eggjar og mjólkurblöndu og stráið pizzakryddi yfir

14. Bakið í ofni í 10-15 mínútur

.