Ostaslaufur

Mánudagurinn 4. október

Uppskrift úr uppskriftarhefti fyrir unglingastig

Ofnhiti 180 °C blástur

Hráefni

• 9 dl hveiti

• 1 tsk sykur

• 4 msk olía

• 3 tsk þurrger

• 3¾ dl volgt vatn

• 8 msk smurostur eftir smekk

• birki- eða sesamfræ til að strá yfir brauðið

• þeytt egg til að pensla með

Aðferð

1. Mælið öll þurrefni, olíu og ger í skál.

2. Blandið vatninu í og hrærið vel saman með sleif.

3. Hnoðið á hveitistráðu borði. Reynið að nota eins lítið hveiti og hægt er.

4. Látið deigið lyfta sér í 10 mínútur á hlýjum stað.

5. Hnoðið vel aftur.

6. Skiptið deiginu í tvo jafna hluta.

7. Fletjið hvorn hluta út í ferhyrning og skiptið honum í fjóra hluta.

8. Smyrjið miðjuna á hverjum ferhyrningi með osti.

9. Lokið með því að brjóta hliðarnar inn að miðju hvora yfir aðra svo að osturinn lokist vel inni.

10. Lokið endunum vandlega svo osturinn leki ekki út í bakstrinum.

11. Snúið tvisvar upp á ostaslaufurnar svo það komi snúningur á þær miðjar og raðið þeim svo á pappírsklædda bökunarplötu.

12. Hafið gott bil á milli því þær stækka í ofninum.

13. Felið endana á slaufunum með því að brjóta upp á þær þannig að endarnir fari undir slaufurnar og sjáist ekki.

14. Penslið með eggi og stráið birki- eða sesamfræjum ofan á.

15. Látið lyfta sér á plötunni í að minnsta kosti 10 mínútur áður en þær eru settar inn í ofninn og bakaðar í um það bil 12 – 16 mínútur.