Pizzabakstur hjá 4. bekk

Þemað þessa dagana er Halloween og því gamana að geta leikið sér í eldhúsinu.

Nemendur í 4. bekk fengu frjálsar hendur til að útbúa halloween pizzu og var útkoman allskonar :)

Uppskrift

Hráefni

• 1 dl mjólk

• 1 dl heitt vatn

• 3 tsk þurrger

• 1 tsk sykur

• ½ tsk salt

• 1 egg

• 3 msk matarolía

• 6 til 6 ½ dl hveiti + hveiti til að hnoða upp í

Aðferð

1. Blandið saman heitu vatni og mjólk í skál.

2. Mælið gerið og stráið því í skálina.

3. Setjið sykur, salt, egg og matarolíu út í skálina.

4. Mælið hveitið og blandið því saman við.

5. Hrærið vel þannig að deigið verði seigt.

6. Látið deigið lyfta sér á volgum stað ef tími er til, gott er að það lyfti sér um helming.

7. Takið til efnið á pizzuna.

8. Takið til ofnplötu og pappír.

9. Takið deigið úr skálinni, hnoðið það lítillega með hveiti og skiptið því í tvennt.

10. Hnoðið þangað til deigið verður sprungulaust og festist ekki við borð eða hendur.

11. Mótið pizzuna eftir ykkar höfði og notið það álegg sem þið viljið til að skreyta

12. Bakið í ofni í 10-12 mínútur á 180°C