Steiktur fiskur á pönnu

Í byrjun tímans lásum við um suðu og steikingu á fisk, hvernig best er að sjóða fisk svo hann verði ekki bragðlaus, glati ekki mikið af næringarefnum og hvernig við sjáum að hann sé tilbúinn. Þá fórum við yfir hvernig við steikjum fisk. Í seinni hluta tímans steiktu svo nemendur fisk í raspi

Uppskrift af steiktum við í raspi

Hráefni

• 1 fiskbiti á mann

• olía

• 1/4 laukur

• gylltur raspur

• 1 egg

• smjör

• salt

• pipar

Aðferð

1. Setjið rasp, salt og pipar í skál og hrærið saman

2. Brjótið egg í skál og pískið saman

3. Veltið fiskistykkjunum uppúr egginu og síðan raspinum og leggið til hliðar

4. Skerið laukinn í ræmur og leggið til hliðar

5. Setjið 2 msk af olíu á pönnu og kveikið undir á hæðsta hita

6. Leifið olíunni að hitna áður en þið raðið fiskistykkjunum á pönnuna

7. Lækkið hitan á pönnunni ef hún er mjög heit – við viljum ekki brenna fiskinn

8. Steikið fiskinn í nokkrar mínútur á hvorri hlið eða þar til hann er orðin gylltur

9. Færið fiskinn yfir í eldfast mót

10. Bætið 1 msk olíu á pönnuna og steikið laukinn

11. Setjið laukinn ofan á fiskstykkin ásamt klípu af smjöri

12. Setjið inn í ofn í nokkar mínútur

Berið fram með soðnum kartöflum, grænmeti, feiti, remúlaði, kokteilsósu eða því sem ykkur þykir gott

Fiskurinn tókst mjög vel hjá öllum hópum og var lítill sem enginn afgangur eftir tímann